Kirolariak, familiak, gazteak... denetarik zen Zumardiandian kokaturiko postuetan. Erosleak produktuka topatu ditu sailkatuta salgai zeudenak: bizikletak, patineteak, patinak, kaskoak... Produktua ikusi, probatu eta bi edo lau gurpilen gainean trebezia erakusteko gune ere izan da gaurkoan Zumardiandia.
Zumardia elkarteko Iosu Iztuetak, broma artean, aitortu duenez, beldur ziren jendeak materiala eraman bai "traste zaharrak etxetik kentzeko", baina gero erostera jende gutxi hurbilduko ote zen. Ataria gerturatu denean, goiza "ondo" zihoala esan du Iztuetak. Eguraldiari begira ere egon direla, askotan egun eguzkitsuek lagundu edo kaltetuko ote duten ezin jakin, adieraziz.
Saltzaileek asteartean izan zuten lehen aukera produktuak eramateko, horretarako Zumardia elkarteak Zerkausia atondu zuen. Gaurkoan, 10:00ak bitartean, bigarren aukera izan da mugikortasuna ahalbidetzen duten gailu horiek etxetik ateratzeko, Zumardiandian bertan jaso dituzte.
Azken batean, bizikleta, patinete, patinei bigarren aukera eman eta mugikortasuna sustatzea bultzatzen da honelako ekimenen bitartez.