Zabalik da Udal Liburutegiko irakurketa klubean izena emateko epea

16 urtetik gorako herritarrek doan eman dezakete izena liburutegian, eta gehienez 12 laguneko multzoa osatuko da euskarazko zein gaztelaniazko taldeetan.

Tolosako Udal Liburutegiak aurten ere irakurketa kluba jarri du martxan. Aldez aurretik irakurritako liburu baten inguruan hitz egin eta elkartrukerako gunea da. 16 urtetik gorakoek har dezakete parte, doakoa da, eta gehienez 12 laguneko taldea osatuko da.

Irakurketa klubeko solasaldi guztiak adituek dinamizatzen dituzte, eta saio batzuetara idazlea bera ere joaten da. Dinamizatzaileek eta liburutegiko langileek aukeratzen dituzte eleberriak eta klubeko kideek liburutegiko erakusmahaian mailegatzeko aukera izaten dute beti. Bi irakurketa-talde daude: euskarazkoa eta gaztelaniazkoa; euskarazkoan komikiak ere lantzen dira. Kontsultatu hemen aurtengo ikasturtean euskarazko taldean landuko diren irakurgaiak, eta hemen gaztelaniazko taldean landuko direnak.

Izena emateko, liburutegira bertaratu behar da. Informazio gehiagorako, 943 697 462 telefono zenbakira deitu edo liburutegia@tolosa.eus helbide elektronikora mezu bat bidali daiteke.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!