Pearl S. Buck (1892-1973) eleberrigile estatubatuarrak ironia finez zioen: «Pertsona askok poz txikiak galtzen dituzte zoriontasun handiaren zain dauden bitartean». Zorion handia ez da existitzen, ezin iritsizko ameskeria da. Batzuek, zoriontasun handiaren bila joanda, eguneroko poz txikiak galtzen dituzte. Axola duena eguneroko txikiez dastatzea eta gozatzea da: lagunekin hitz egitea, behar gaituenari eman diezaiokegun laguntza materiala edo morala, familiako kontaktu sinple eta zintzoak, jasotzen ditugun eta besteei eman diezaiekegun maitasun-xehetasunak, aberasten gaituen irakurketa, naturaren mirariak ikustea, irrati edo telebista programa on baten gozamena, musikaren jarduera luzea eta gustukoena dastatzea, eta abar. Ez ditzagun eguneroko poz txikiak galdu zoriontasun handiaren zain gauden bitartean.
Zorion handia ez da existitzen, ezin iritsizko ameskeria da. Batzuek, zoriontasun handiaren bila joanda, eguneroko poz txikiak galtzen dituzte.
Udaldia festagabea izan da. Batzuetan pentsatzen dut gizakiak, ez beti, animaliarik txarrenak bezala jokatzen duela. Ikusitakoak ikusita, zer esan jai-uda honetaz? Ez dut ez herririk ez hiririk aipatu nahi, katxondeoaren orgia orokortzen ari baita. Badakit batzuena dela, eta ez gehienena. Ordena Publikoko gure indarrei (Ertzaintza, udaltzaingoa, etab.) aurre egiteko jarrera negatibo eta insolidarioaz gain, penagarria iruditzen zait. Gauza bera esaten dut krimen matxistei buruz, noski ez dut konparaziorik egin nahi. Hau lotsa gizon eta pertsona bezala!
Bada esaldi bat Leonardo da Vinci XV.mendeko florentziar artista eta zientzialariari egozten zaiona: «Benetan gizakia animalien erregea da, bere basakeriak hauena gainditzen baitu». Da Vinciren pentsamendu hau nabarmena da krimen batzuen basakeria ikusten duzunean. Badira pasio-krimenak, mendeku-krimenak edo terrorismo-krimenak, animalia basatienek baino basakeria handiagoa dutenak. Kasu horietan, gizakia animalia baino okerragoa baita. Ezin ahaztu euskal esaera batek diona: «Ongiak festa, gaizkiak kezka».