Uztailean hasi ziren Trianguloa plaza atzealdeko zorua berritzeko lanak eta amaitu dira dagoeneko. Zuhaitzen sustraien eraginez, zorua altxatuta zegoen hainbat lekuetan eta koska arriskutsuak zeuden. Eremua seguruagoa eta irisgarriagoa egiteko, Trianguloa plaza atzeko eremuaren zorua berritu da osorik, eta bide batez, atarietara, garajeetara eta establezimenduetara sartzeko zeuden koska txikiak kendu eta zoru guztia maila berean jarri da.
Eremuan aurrera eramandako lanak, espazio publikoa egoerarik hoberenean mantendu eta kaleak zaharberritzeko helburuaren baitan kokatu ditu udalak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!