Urteroko hitzorduari huts egin gabe, bueltan da udarari agur ezinhobea emango dion jaialdia. Hain zuzen, bihar arratsaldeko 17:00etan izango da irikiera eta igandera arte ospatuko dute Oreka Tolosa slackline taldekoek antolatutako River Line jaialdia Tolosako Zerkausia eta Oria ibaiaren inguruan.
Programa potoloa antolatu dutela azaldu dute Oreka Tolosa slackline taldekoak diren Ibai Arsuaga eta Aitor Sorarrainek. Sokak, slackline tailerrak, piraguak, tela akrobatikoak, sari banaketak eta, tartean musika eta otordua ere ez direla faltako gehitu dute antolatzaileek. "Gainontzeko urteen antzera, jaialdia ahalik eta antzekoen egiten saiatu gara, baina covid-19a dela eta, aldaketa txiki batzuk egin behar izan ditugu", adierazi du Arsuagak.
Hortaz, parte hartzaileek txandak ez ezik, sarrera eta irteera errespetatu beharko dute; musukoa ez bezela, gel hidroalkoholikoa beharrezkoa izango da materiala erabili baino lehen; parte hartzaileek dutxatzeko edota ferialen lo egiteko aukera izango dute, baina aforoa mugatua izango da; eta otorduetan talde txikitan banatuko dira, besteak beste.
70 lagun inguru
Espero gabe, aforoa guztiz bete dutela jakinarazi dute antolatzaileek: "Ez genuen espero horren beste jendek izena emango zuela. Kriston harrera ona izaten ari du, 70 pertsona inguru baitaude apuntatuta, espero baino askoz jende gehiago".
Izan ere, River Line jaialdian jorratzen den modalitatea waterlinea dela adierazi du Arsuagak. "Gehien egiten den modalitate highlinea da. Festibal hau hasi zenean, Espainian dagoen bakarra zen, nahiz eta gainontzeko herrialdeetan highlineko festibal asko egon, eta hori da jendeari gehien gustatzen zaiona. Horregatik uste genuen jende gutxi etorriko zala", azaldu du.
Eskualdekoa ez ezik, Euskal Herriko beste herri batzuetako jendeak ere eman du izena aurtengoan, baita Eskal Herri kanpoko jendeak ere. "Normalean Estatuko jende asko etortzen da, Granadakoa, Bartzelonakoa, Madrilekoa eta Iparralde edo Frantzikoa. Aurten, gainera, belgikar bat apuntatu da, baita italiar eta argentinarrak ere", kontatu dute.
PROGRAMA
Abuztuak 27, ostirala
17:30 Aurkezpena
18:00 Izen ematea
19:00 DJ saioaren hasiera
20:00 Parkearen itxiera
Abuztuak 28, larunbata
9:30 Aurkezpena
10:00 Hasiera
10:30 Parkearen erabilera librea, beroketa
11:30 Freestyle Bouncing Compettion
13:00 DJ + Slackline tailerra saioaren hasiera
14:00 Eguerdiko atsedenaldia
16:00 Parkearen irekiera
16:15 Kontzertua terrazan
17:30 Trikimailu estatikoen lehiaketa
18:30 Slackline jarduera haurrentzat
19:30 Parkearen itxiera
20:00 Sari banaketa
Abuztuak 29, igandea
10:00 Hasiera
10:00 Parkearen erabilera librea, beroketa
11:30 Speedline lehiaketa
12:30 DJ saioa eta Slackline tailerra
13:30 Aire-oihalak erakustea
13:30 Amaiera
15:00 Parte-hartzaileen bazkaria, sari-banaketa eta SATURDAY agurra