Urte asko eman ditu Iñaki Goikoetxea inauterizale tolosarrak Tolosako inauterietako karrozak eta muntaketak egiten. 2012an Tolosaldeko Ataria-ri eskainitako elkarrizketa batean kontatu zuen 1998. urtean hasi zela bakarkako muntaketak egiten: "Aurretik ere zerbait egin nuen bakarrik, baina urte hartan antolakuntza handiagoarekin hasi nintzen mozorroa muntatzen: zuhaitz baten kontra jo zuen hegazkin bat prestatu nuen". Tolosarren zein kanpoko inauterizaleen artean nolabaiteko jakin-mina izan da urte askoan Zaldunita egunean Goikoetxearen mozorroa.
Bere mozorrorik ezagunenetakoak bilakatu ziren hegazkinarena, Harold Lloyd-ena, King Kong-ena edota Titanic-ena. Baina beste hainbat ere egin izan ditu. Hona hemen Tolosaldeko Ataria-k bildutako hainbat: