Espainiako Pista Txapelketa ari dira jokatzen kadete, junior eta absolutu mailan, Galapagarren. Pasan den urtean brontzea lortu ostean, aurten lorpena gainditzea lortu, eta urrezko domina bereganatu du. Tolosarrak esan duenez, "ez da erraza izan, aurkariak oso gogorrak baitziren".
Lasterketa "azkarra eta tentsio handikoa" izan dela esan du tolosarrak. "Oso gustura" dagoela esan du. "Euskal herrian pista txirrindularitzarako, eta oro har, txirrindularitzarako, tradizio handia dago", esan du, eta Gipuzkoa taldean egiten den lana nabarmendu du. Aurrera begira, urrian Europako eta munduko txapelketetan omnium eta madison probetan parte hartzea gustatuko litzaiokeela azaldu du, eta horretarako gogor egingo duela lan.