Anbulatorio parean oinezkoentzako pasabide berria egokitu dute

Abuztuko azken astera bitarte, oinezkoak eraikinaren hegoaldeko espaloitik iritsi ahal izango dira anbulatoriora. Ibilgailuentzat San Juan kaletik aparkalekurako sarrera mantenduko da.

Gernikako Arbolako obren ondorioz, anbulatorio parean, oinezkoen eta ibilgailuen sarrera eta irteerak berrantolatu ditu Tolosako Udalak. 
Abuztuko azken astera bitarte, oinezkoak eraikinaren hegoaldeko espaloitik iritsi ahalko dira anbulatoriora. Hilaren azken astean, aldiz, sarbide hori itxi eta beste bi ahalbidetuko dira oinezkoentzat: epaitegiaren eta anbulatorioaren artean dagoen kalea eta baita San Frantzisko eta San Juan kaleen arteko ibilbidea ere.

Ibilgailuen kasuan, abuztu osoan, Alondegia aparkalekuko erabiltzaileek soilik zirkulatu ahal izango dute ibilgailuarekin. San Juan kaletik aparkalekurako sarrera mantenduko da, eta hegoaldetik Beotibar pilotalekuaren ondoko irteera egokitu da.

Bestalde, anbulatorio pareko edukiontziak farmazia parean dagoen Gernikako Arbolako aparkalekura lekualdatu dira, aldi baterako, obrak amaitu arte.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!