2022 urteko udal aurrekontuari ekarpenak egiteko  aukera

Uztailak 23 da datorren urteko aurrekontuari ekarpenak egiteko azken eguna. Herritarrek galdetegi bat erantzun behar dute.

Tolosako udal gobernua dagoeneko hasi da 2022 urteko udal aurrekontuak lantzen. Tolosatzen proiektuaren barruan, indar fokuak teknikari eta oposizioko alderdiekin partekatu ditu jada eta horiek herritarrekin partekatzeko lehen saio irekia egin du ere. "Orain, indar-foku horiek aberastu eta osatzeko aukera izango dute tolosarrek on line ekarpenak eginda", esan du udalak.
 
Informazio guztia herritarren esku dago eta galdetegi azkar bati erantzunez egin daitezke ekarpenak, "hau da, herritarrek haien ustez indarrak non jarri beharko liratekeen adierazi dezakete". Ekarpenak egiteko azken eguna  uztailaren 23a izango da. Zalantzarik izanez gero, udaleko Gobernantza sailarekin jarri behar da harremanetan, 010 telefonora deituta edo gobernantza@tolosa.eus helbidera idatzita.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!