Tolosaldea bigarren gaurko estropadan eta lehenak sailkapen orokorrean

Ataria 2021eko uztailaren 10a

Gaurkoan, TAK itsasoratzen. TAK

Deusto-Tecuni-Bilbao 10:57,80ko denborarekin eskuratu du lehenengo postua gaur Donostian lehiaturiko estropadan. Atzetik, 11:01,05 denborarekin iritsi dira eskualdeko arraunlariak. ETE Ligako sailkapen orokorrean berriz, urrezko postua Tolosaldea A.K.rena da.

Goizeko 10:15ean hasi da ETE Ligako gaurko estropada, Donostian: Donostiarra promozioaren bandera-Gaztela-Mantxa. Hirugarren txanda egokitu zaio Tolosaldea A.K.ri, Delteco Zumaia, Hibaika Jamones Ancin eta Deusto-Tecuni-Bilbaorekin batera. Hain zuzen ere, azken honek poltsikoratu du gaurkoan lehen postua: Deusto-Tecuni-Bilbaok, eskualdeko emakumeen aurretik.

Gaurko 10 puntuak eskuratuta eta sailkapen orokorrari begiratuta, lehen postua Tolosaldea A.K.rena da. Atzetik, lau puntura, gaurko garailea: Deusto-Tecuni-Bilbao. Eta hirugarrengoan berriz, Hibaika Jamnoes Ancin, 54 punturekin.

ETE LIGA. SAILKAPEN OROKORRA

1. TOLOSALDEA A.K. 64 puntu.

2. DEUSTO-TECUNI-BILBAO. 60 puntu.

3. HIBAIKA JAMONES ANCIN. 54 puntu.

4. SAN JUAN-IGARTZA. 44 puntu.

5. DELTECO ZUMAIA. 44 puntu.

6. ONDARROA-CIKAUTXO. 39 puntu.

7. ISUNTZA-ELECNOR. 31 puntu.

8. LUTXANA A.E. 22 puntu.

9. ZARAUTZ-GESALAGA-OKELAN. 19 puntu.

10. LAPURDI. 12 puntu.

11. CASTRO CANTERAS DE SANTULLAN. 7 puntu.

kirola Tolosa

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!

EGIN ATARIKIDE!