Miguel Angel “Lawyer” Gonzalezek (ahotsa), Mariano “Betts” Berasteguik (gitarra), Patxi “ O’Clock” Ruizek (gitarra), Alberto “Skualo” Navascuesek (pianoa), Sergio “Longfingers” Perezek (baxua) eta Alfredo “Benjamin Divo-Moses” Olaberriak (bateria) osatzen dute gaur egun De 2 en Blues Band taldea. Hain zuzen, Iruñeatik iritsi dira eguerdian Tolosako Zerkausira, plaza, herria eta herritarrak konkistatzeko asmoz.
Taldea bikote gisa jaio zen Iruñean 1990ean. Gonzalezek eta Michel "Montgomery" Remonek (gitarra) hasiera eman, eta beranduago kide berriak sartzearekin batera, talde bihurtu zen. Chicago Blues estiloa izanik, ingelesezko eta gaztelaniazko abestiak sortzen dituzte eta horiek ehunka kontzertu eskaintzeko aukera zabaldu diote. Taldeak 25 urte baino gehiago daramatza musika afroamerikarra, bluesa eta soul-a sortzen eta zabaltzen; gaur Tolosan egin duten bezala.
