Tolosan festa handiak ospatu ohi dira sanjoanetan, baina jakina den moduan, osasun egoera tarteko beste moduko bateko festak ari dira ospatzen.
Atzokoan, San Joan bezpera izanik, ez zuten hutsik egin Tolosako Udal Musika Bandak, Udaberri dantza taldeak eta Hodeiertz abesbatzak. Tokiz aldatuta, zezen plazan eskaini zuten ikuskizuna. Euri jasen gainetik, tolosarrek festarako edota musikaz eta dantzez gozatzeko gogoa erakutsi zuten. Emanaldi guztian ia ez zuen atertu ere egin, baina ikusleek bilatu zuten aterpea.
Tolosako Musika Bandaren kantu baten ostean etorri zen Udaberri dantza taldearen emanaldia. Bukatzeko, eztarriak prest igo ziren Hodeiertz abesbatzako kideak.