Beotibar pilotalekuko eta epaitegiko eraikinen arteko pasabideak itxi dituzte

Gernikako Arbola ingurua berrurbanizatzeko lanak amaitu arte itxiko dira anbulatorioa eta Alondegia plaza lotzen dituzten pasabideak; bitartean, epaitegi atzetik edo San Frantzisko kaletik joan ahal izango dute oinezkoek.

Apirilean hasi ziren Gernikako Arbola ingurua berrurbanizatzeko lanak, oinezkoei lehentasuna eman eta eremua tolosarrentzat atseginagoa, irisgarriagoa eta seguruagoa egiteko helburuarekin. Lau fasetan ari dira lanak garatzen, eta guztira 5 hilabeteko iraupena izatea aurreikusten da.

Lanen eraginez, gaurtik aurrera, itxita daude Beotibar frontoia eta epaitegiaren arteko pasabideak, anbulatorioa eta Alondegia plaza lotzen dituztenak. Obra amaitu arte egongo dira itxita; dena den, oinezkoak epaitegi atzetik edo San Frantzisko kaletik igaro ahal izango dira.

Obrak amaitzean, tolosarrek "paseatzeko espazio gehiago eta irisgarriagoa" izango dutela adierazi dute udaletik, "espaloiak zabaltzearekin batera, arrapalak birkokatu eta espaloi eta bidea maila berean jarriko direlako".

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!