Guztira, 105 tolosar gaztek eman zuten izena, eta horietako 17ri egokitu zaie etxebizitza bana; laster jakinaraziko du udalak behin betiko zerrenda. Gainerakoekin, itxaron zerrenda berria osatu dute; izan ere, hurrengo urtean amaitzen zaie kontratua plazan bizi diren 6 gazteri, eta beraz, etxebizitza horiek itxaron zerrendaren arabera beteko dituzte. Gehienez ere 3 urterako esleituko dira bizitokiak eta ezingo da kontratua luzatu, ahalik eta bizilagun gehienek bizitokiak erabiltzeko aukera izan dezaten.
Aurreko itxaron zerrenda agortuta, deialdi berria abiarazi zuen Tolosako Udalak hutsik geratu diren 17 etxebizitzak betetzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!