Antzerkiarekin urteroko hitzordua badator Amarotz auzora. Intujai antzerki taldeak antolatuta 23. urtez egingo da aurten Amarozko Antzerki Astea. Ekainaren 28tik uztailaren 3ra bitarte luzatuko da, eta ohi bezala, adin guztietako herritarrei zuzendutako antzezlanez gozatzeko aukera izango da.
Berezitasun moduan, pintxopoteatro egingo dute uztailaren 1ean, hiru ikuskizun izango direlarik, pintxopotea egiten den bitartean ikusteko.
BI TAILER UZTAILEAN
Bestalde, Intujai taldeak bi ikastaro antolatu ditu uztailerako Amarotz auzoan. Batetik, iaz harrera ona izan zuenez, aurten ere hip hop tailerra errepikatuko dute. Bestetik, parkour edo desplazamenduaren artea izango da aukeran. Intujai taldeko May Gorostiagak esan duenez, «helburua kultura kalera ateratzea, eta betiko lekuetatik at egitea da». Halaber, gorputz mugimenduetan trebatzeaz gain, alor pedagogikoa ere lantzen dutela gehitu du. Ikastaroak uztailaren 13tik 29ra izango dira, 6 eta 14 urte bitarteko gazteei zuzendutakoak dira, eta 678 990 162 zenbakira deitu behar da izena emateko.
EGITARAUA
Ekainak 28, astelehena
17:00. Pailaztana Junior taldearen: Kluedo 2.
19:00. Doro Zobaran: Uhuri gautxoriaren uluak.
Ekainak 29, asteartea
18:00, 19:00. Pailaztana Klown Taldea: Aleluya.
Ekainak 30, asteazkena
17:00. Ester Poveda: Esterren mundua.
19:00. Bea Larrañaga: Bonba bat naiz.
Uztailak 1, osteguna
Pintxopoteatro
16:00, 17:00, 18:00, 19:00. Tefi de Paz: Remigia Etxarren, La reina del Arga.
18:00-20:00. Diego Calavia eta Imanol Ituiño: Gertuko magia.
20:00. Andoni Ollokiegi: Tony Rocket.
Uztailak 2, ostirala
18:00. Cirk About It: Por las ramas.
Uztailak 3, larunbata
18:00. Zirkozaurre: Kobre.