Gipuzkoako Liga moduko bat antolatu dute, eta herrialdeko klubak multzoka banatu dituzte, guztira lau sari eginez. Tolosako Usabal igerilekuan, etxeko taldeaz gain, Azkoitiko Zubiaurre eta Azpeitiko Izarraitz taldeak izango dira. Absolutu mailan lehiatuko dira eta guztira 80 igerilari inguru ariko dira, emakumezkoak zein gizonezkoak.
Egutegiko proba guztiak egingo dituzte eta igerilari bakoitzak bere proban lortutako emaitzaren arabera puntu kopuru jakin bat emango dio taldeari.