Segurtasun sailak zehaztu duenez, joan den larunbatean, 22:10ak aldera, Tolosako Trianguloa plaza inguruan gazte bat arma zuriz zauritu zuten borroka batean. Ertzaintza bertaratu eta 54 urteko gizon bat atxilotu zuen lesio-delitu bat leporatuta. Sabelaldean arma zuriz zauritutako pertsona Tolosako Asuncion ospitalera eraman zuten. Atxilotua Ertzaintzaren egoitzara eraman zuten zegozkion polizia-eginbideak hasteko, eta atzo goizean eraman zuten Tolosako Guardiako Epaitegira. Epaileak espetxeratzeko agindua eman du.
Ertzaintzak jakinarazi duenez, 54 urteko gizon bat atxilotu zuten joan den larunbat gauean Tolosan, gazte bati arma zuriz eraso egitea leporatuta. Gazteari presazko ebakuntza egin behar izan zioten Asuncion ospitalean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!