'Suspertu Tolosa' kanpainako bonuak erosteko azken egunak

Tolosaldeko Ataria 2021ko mai. 13a, 09:29

Maiatzaren 3an abiatu zen kanpaina, 8.000 bonu jarri ziren salgai, eta astebeteko epean, erdia saldu da; 36 saltokietarako bonuak ere agortu dira dagoeneko.

Oraingoz, Tolosako Udaletik adierazi dutenez "harrera ona" izan du herriko komertzio eta zerbitzu establezimenduak babesteko martxan jarritako egitasmoaren hirugarren edizioak. Herritarren erantzun eta konpromisoa balioan jarri nahi izan dituzte. “Aurten ere bikain erantzun dute tolosarrek, eta txalotzekoa da herriko saltokiak babesteko deiari emandako erantzuna”, aitortu du Nerea Letamendia, Merkataritza, Azokak eta Turismoa saileko zinegotzi arduradunak. 

Larunbatera bitarte izango da bonuen erosketak egiteko aukera. Online (www.suspertutolosa.eus webgunean) edo Trianguloa plazako etxolan eskuratu daitezke. Hain justu, hilaren 15etik aurrera itxita egongo da etxola, eta edozein zalantza argitzeko, 943 697 521 telefonora deitu edota info@suspertutolosa.eus helbidera idatzi beharko da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!