Ekologistak Martxan elkarteak eta Tradener Energia Trantsizioa eta Demokrazia taldeak antolatuta, Ekozinemaldia Tolosan izango da datozen egunotan. Iaz, pandemia egoeragatik, online eskaini zituzten emanaldiak baina aurten, eta segurtasun neurriak beteta, jendaurreko bost emanaldi antolatu dituzte hiru egunetan.
Bina dokumental eskainiko dituzte, gaur eta bihar, Box.A arte elkartean, eta etzi, Leidorren Gladys del Estalen inguruko filma eskainiko dute. Tuteran erail zuten ekologistaren inguruko dokumentala osatu zuen Bertha Gaztelumendik 2019an eta etzi eskainiko dute Tolosan.
EKOZINEMALDIA 2021
Maiatzak 11, gaur
19:00. Box.A-n bi film eskainiko dira: La energia de los pueblos eta Los molinos del Diablo.
Maiatzak 12, bihar
19:00. Box.A-n bi ikus-entzunezko lan ikusteko aukera izango da: El tiempo que resta eta CAF: Un tranvia llamado Apartheid.
Maiatzak 13, etzi
19:00. Leidor aretoan eskainiko dute Ez, eskerrik asko! Gladysen leihoa dokumentala.