Preso politikoen artelanak ikusgai

Tolosaldeko Ataria 2021ko api. 17a, 18:37

Gaur Preso Politikoen Nazioarteko Eguna da, eta horren harira antolatu du Tolosako Sortuk erakusketa kultur etxean, eskualdeko preso politikoek egindako artelanekin. Erakusketa bi egunez dago ikusgai, eta gaur izango da azken eguna.

"Askotan lotu izan da espetxea sufrimenduarekin eta ilunarekin, eta nahi izan dugu beste aurpegi bat erakutsi espetxearena, presoek nola erabili duten sormena urte horiei eta egoerari aurre egiteko", azaldu dute Sortutik. Erakusten diren artelanen egile asko gaur egun ez daude preso, baina erakusketan daudenak espetxeetan egindakoak dira.

Kartelen bidez erakutsi da artelanak egin diren espetxeak. "Zentzu horretan, ikusirik zenbat espetxe eta zer lekuetakoak diren, erakusten da dispertsioaren eragina", zehaztu dute antolatzaileek. Artelanak presoen senideen edo etxeetan daude jasota, eta erakusketaren bidez publikoaren aurrean ikusgai jarri da. Ikusmina piztu du erakusketak eta jende ugari joan da ikustera.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!