Zuzeneko hitzaldiak eskaintzen jarraitzen du Tolosako KZguneak, YouTubeko KZguneaTIC kanalaren bitartez; sarrera librea da, hortaz, ez da beharrezkoa izaten aurrez izena ematea. Astero, IKT-ei buruzko hitzaldi berriak izaten dira, euskaraz eta gazteleraz, eta 30 minutuko iraupena izaten dute. Hitzaldiak, gainera, grabatuta geratzen dira kanalean bertan, gerora ere ikusteko aukera izateko.
Datorren asterako, Nola gezurtatu berri faltsuak izenburupean, bi hitzaldi berri antolatu dituzte. Apirilaren 13an, asteartea, izango da lehena, 12:00etatik 12:30eara, euskaraz. Bigarrena, berriz, ostegunean (hilak 15) izango da, ordu berean eta gazteleraz.
Esteka honetan klik eginda kontsultatu daiteke zuzeneko hitzaldien zerbitzuari buruzko informazio guztia.