Kalitatezko etxeak prezio konpetitiboagoetan bilatzen saiatu da azken aldian Ageda Cuñado dendaria. Beti, hori bai, tendentziari jarraituz. Azken boladan, esaterako, denim patroiak aldatzen ari dira, pitilloetatik patroi zabalagoetara doaz, eta horren jakitun dira Anddaren. Eta bezeroek ere jarraitzen dute tendentzia, hortaz, eskakizun horietara egokitzen dira, materialaren kalitatea zainduz eta zuntz naturala erabiliz.
Osagarriak eta bereziki bitxiak ere aurki daitezke. Aurten, tolosar artista batek egiten dituen belarritakoak ditu salgai: Hylé earrings. Buztinezko belarritakoak dira, eskuz eginak eta eskuz pintatuak. Herriko artistentzat edo markentzat dendan lekua egitea gogoko du Cuñadok, bertakoa bertan kontsumitu dadin, eta bertakoak ere zaintzeko.
Bezeroak ere zaintzea bada Anddareren ezaugarrietako bat. Zer nahi duen entzun, gomendioak eman eta proposamen ezberdinak egiten ditu, betiere bezeroaren izaera mantenduz.
- Helbidea: Korreo kalea, 34 (Tolosa)
- Telefono zenbakia: 943 24 54 98
- Facebook: Anddare Denda
- Instagram: Anddare Denda