"Euskal Herria Batera herri egitasmoak Aberri Eguna batera ospatzeko dei egin die herritarrei, apirilaren 4an herrietako plazetara irtenda. Euskal Herri burujabea aldarrikatzeko, eta erabaki politikoak herritarrengandik ahalik eta gertuen har daitezela eskatzeko baliatu nahi da egun hori", esan du Tolosako EH Bilduk. Horiek horrela deialdiarekin bat egiten duela esan du koalizioak eta ikurrinak banatuko dituela iragarri du. Datozen bi larunbatetan banatuko ditu; bihar San Frantzisko pasealekuan, Kutxabank inguruan, eta apirilaren 3an San Frantzisko elizaren arkupeetan. "Modu honetan, Aberri Egunean etxeetako balkoietan eta leihoetan ikurrinak zintzilikatzera gonbidatu nahi ditu tolosarrak Tolosako EH Bilduk", esan du.
EH Bilduk azaldu du bat egiten duela Euskal Herria Batera herri egitasmoak apirilaren 4ko Aberri Eguna ospatzeko egin duen deialdiarekin. Horri lotuta ikurrinak banatuko ditu doan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!