Caritasen ekimenez sortu zen fundazioa duela 30 urte, eta orain Tolosako Emeterio Arrese kaleko 2. zenbakian ireki dute bulegoa. Tolosako egoitzan Tolosaldeko herritarrak artatzeaz gain, Goierriko eta Andoaingoak hartuko dituzte. Hurkoako arduradunak Amaia Barea eta Jon Ander del Pozo izango dira eta printzipioz ostegunetan irekiko dute 09:00etatik 14:00etara. Pandemia dela eta bertaratu aurretik hitzordua hartu behar da 943 46 89 56 telefono zenbakian.
Egoitza berriaren berri ematearekin batera, boluntarioak eskatu dituzte; «boluntarioak behar ditugu, eskualdeetan eskaintzen den zerbitzua indartu eta hobetu ahal izateko, eta boluntarioen dedikazioarekin baino ez da posible». Tolosako bulegoan «tutoretzapeko pertsonei eta haien senideei arreta ematea, familia tutoretza-prozesuei buruzko aholkularitza ematea, eskualdeko boluntarioekin bilerak egitea, elkarteetara eta inguruko erakunde publikoetara hurbiltzea eta abar».