Estilo klasikoko 15 kilometroko proban 69. izan zen larunbatean, eta hurrengo egunean 63. postuan amaitu zuen, estilo libreko 50 kilometroko jazarpen proban. «Asteburu gogorra» izan dela azaldu du Rojok, eta Munduko Txapelketatik ez zela nahi bezain ondo berreskuratu. Proba horiekin denboraldi honetako Munduko Kopari amaiera eman dio tolosarrak.
Martxoaren 26tik 28ra izango da iraupen eskiko Espainiako Txapelketa, Belaguako pistetan, eta bertan lehiatzeko asmoa du Rojok, denboraldiari amaiera emateko. Hainbat Espainiako Txapelketa ditu irabazita Rojok, eta, eskiatzaile tolosarra izango da faboritoa parte hartzen duen probetan.