Atzo goizean zehar Tolosako kaleetan izan ziren Ikasle Abertzaleak. Bi hitzaldi antolatu zituzten genero problematikak gaur egun hartzen dituen formen inguruan. Lehenik, Herrikide eta Orixeko ikasleei zuzendua izan zen hitzaldia, eta gero Laskoraingo ikasleen txanda izan zen.
Tolosaldeko Itaiako bi emakumek eman zuten hitzaldia. "Historian zehar aurrerapauso batzuk eman dira genero zapalkuntzari dagokionez, baina aurrerapauso horiek ez dute suposatu genero zapalkuntzaren gaindipena, baizik eta honen forma berrien adoptazioa", azaldu dute. Bereziki harremanak egiteko formez, bizi ohiturez, eta sare sozialez aritu zirela zehaztu dute.
Bi hitzaldien artean, kontzentrazioa egin zuten emakume langileon interesen defentsan, ikasleok antolatu! lemapean.