Aurtengo inauteriak ez dira ospatu, baina bere kantuak nagusi izan dira gaurko zaldunita egun berezian. Izan ere, Galtzaundi Euskara Taldeak ekitaldi kulturala antolatu du, bere 30. urteurrena aprobetxatuz eta inauterietako musikan euskarak duen garrantzia azpimarratuz. Osasun egoeraren ondorioz festak betiko moduan ospatzea posible izan ez bada ere, inauterietako kantuekin osatutako kontzertua eskaini dute Leidorren, Galtzaundi, 30 urte izenpean.
Et Incarnatus orkestrak eman du kontzertua, Miguel Zeberiok, orkestrako zuzendariak gidatuta. Bertan, hainbat musikari eta kantari ezagunen kolaborazio ugari ere izan dira. Haien artea aritu dira kantuan Leire Berasaluze, Kristina Aranzabe, Xabier Ormazabal eta Ana Otxoa; musika alorretik Xabier Berasaluze ‘Leturia’ pandero-jolea, Gorka Benitez saxofoi-jolea eta Incansables txarangak parte hartu du orkestrarekin batera.
