Jaiotzez zarauztarra zen Jose Mari Zulaika, baina ezkonduz geroztik Bedaion bizi izan da. Zarauzko Paskualsoro baserrian jaio zen, 1938an, eta baserriaren izenez izan da ezaguna herri kirol munduan. 18 urterekin, segan ikasteko asmoz, Asteasuko Muttei baserrira joan zen Eleuterio Tapiarengana. Bertan 20 urte pasa zituen. Segalari bezala egin zen ospetsu, eta geroztik, harri jasotzen ere ibili izan zen. Atzo hil zen, 82 urterekin, Bedaion.
2010ean Tolosaldeko eta Leitzaldeko Hitzan elkarrizketatu zuten.