Eraikina guztiz desinfektatu da udalaren protokoloak jarraituz, ostiralean eraikina garbitzen duen langile batek Covid-19aren proban positibo eman eta gero. Ateak berme guztiekin zabaltzeko aukera dagoela ziurtatu du prebentzio teknikariak, udalarekin elkarlanean. Hortaz, jada zabalik dago Aranburu Jauregia.
Liburutegia zabaldu dute, baita Aranburu Jauregiko bi erakusketak ere. Hala ere, aste honetako irakurketa taldeen saioak ez egitea erabaki da. Berdintasun sailak antolatutako saioak, berriz, telematikoki egitea aztertzen ari da udala.
Ostiral arratsaldean itxi zen eraikina osasun prebentzio arrazoiengatik. Langileek modu telematikoan artatu dituzte herritarrak eraikina itxita egon den denboran.