Binakako Pilota Txapelketaren hirugarren jardunaldiko partida jokatu zuten atzo Zornotzan Peña II-Albisu eta Bengoetxea VI-Aranguren bikoteek. Peñak eta Albisuk bigarren garaipena eskuratu zuten azken txanpara arte oso berdindua izan den partidan. Bengoetxea VI.ak Iñaki Artola ordezkatu zuen, alegiarra lesionatuta baitago. Artola-Aranguren bikoak ez du, beraz, oraindik garaipenik eskuratu txapelketan.
Peñak partidaren ondoren azaldu zuenez, "oso partida gogorra" izan zen atzokoa. Aurkariek "oso ondo" jokatu zutela gaineratu zuen, eta Albisuk "asko lagundu" ziola bere lanarekin.