Amarotz auzoko bizilagunek botikina eskatzen jarraitzen dute, eta hori aldarrikatzeko atzo giza katea egin zuten Berazubi eta Amarotz artean. Atzoko ekimena erakutsiz, Amarozko Auzo Elkarteak bideo hau egin du eta bere sare sozialetan partekatu du.
Eusko Jaurlaritzak botikina beharrezkoa dutela ikusi arte, aldarrikapenekin eta botikina eskatzen jarraituko dutela esan dute Amarotzeko bizilagunek. Horregatik, atzo goizean Berazubi eta Amarotz arteko giza katea osatu zuten 300 kide inguruk, auzoko botikinaren aldeko aldarria eginez. Horrez gain, argi utzi nahi izan dute botikina lortuko dutela euren auzotarrentzat "bai ala bai".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!