Aurten, egoerak hala baldintzatuta, Olentzaroren Basoa ez da Elosegi parkean izango. Hala ere, Zumardia elkarteko antolatzaileek esan dute Olentzaroa basoetan, mendietan eta oro har naturan dagoela, "natura bera delako Olentzaro".
Parkerik ez dute egokitu bisitak egin ahal izateko, baina bestelako gonbidapen bat luzatu diete herritarrei: lagunekin, etxekoekin edota bakarrik joan daitezela natura dagoen lekura, eta saia daitezela Olentzaroa bilatzen, usaintzen, ukitzen edota sentitzen.
