"Pipa, el titere maravilloso" antzerkia Topic-en

Pipa txontxongiloaren istorioa ezagutzeko aukera izan dute Tolosako txikienek.

"Pipa, el titere maravilloso" izeneko haurrentzako txontxongilo ikuskizuna aurkeztu du gaur Kataluniako La Puntual konpainiak Tolosako Topic-en, 12:30etan hasita. Pipa izeneko txontxogiloa da antzerkiaren protagonista nagusia. Bere istorioaren inguruko nondik norako guztiak ezagutzeko aukera eskaini du Nestor Navarrok gidatutako haurrentzako komedia honetan. Antzerkia gazteleraz izan da eta 45 minutu iraun ditu.

Pipak ez du bizimodu lasaia nahi. Izan ere, bizitzaz gozatu nahi du, lagunekin jolastuz eta maiteminduz. Bertan, pertsonaia harrigarriz beteriko mundu batekin egingo du topo. Bertan, Toful gizona eta haren palo-selfiea ezagutuko du, baita bankari jauna eta haren makina ere edo krokodilo gosetua. Gainera, Pipa istorioan maitemintzera iritsiko da, hain zuzen, Nina andereñoa eta haren izozkiaz.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!