Gainditzen Marrazki Lehiaketaren sariak banatu dituzte

Urriaren 23an zegoen aurreikusita, eta azkenean gaur egin da Gor Komunitatearen XVII. Sentsibilizazio Astearen Gainditzen Marrazki Lehiaketaren sari banaketa. Lehen saria Irati Amondarainentzat (Uzturpe Ikastola) izan da, bigarrena Aitziber Luluagarentzat (Laskorain Ikastola) eta hirugarrena Eider Urkizarrentzat (Uzturpe Ikastola).

Tolosako Kultur Etxean egin da sari banaketa. Pantaila batean joan dira erakusten hautagaien marrazkiak, eta hauek margolanak deskribatu dituzte. Ondoren izan da sari banaketa. Lehen hiru sariez gain, sari berezi bat eman zaio Ugaitz Alijostesi (Uzturpe Ikastola), marrazki lehiaketan parte hartu duen lehen haur gorra izanik. Guztiek jaso dute liburu bat eta Amets dendan gastatzeko bonu bat.

Hauek izan dira sari banaketan izandakoak:

  • Irati Amondarain (Uzturpe Ikastola): lehen saria
  • Aitziber Luluaga (Laskorain Ikastola): bigarren saria
  • Eider Urkizar (Uzturpe Ikastola): hirugarren saria
  • Ugaitz Alijostes (Uzturpe Ikastola): sari berezia
  • Oneka Lopetegi (Uzturpe Ikastola): hautagaia
  • Naia Telletxea (Uzturpe Ikastola): hautagaia
  • Irai Muñagorri (Uzturpe Ikastola): hautagaia
  • Amets Mendizabal (Uzturpe Ikastola): hautagaia
  • Enera Nogales (Laskorain Ikastola): hautagaia
  • Beñat Salaberria (Samaniego Eskola): hautagaia
  • Aizpea Lasa (Samaniego Eskola): hautagaia

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!