Tolosaldeako ESIak aginduta konfinatuta ez dauden Orixe institutuko DBH 1 eta 4 bitarteko ikasle zein irakasleei PCR probak egingo dizkiete gaur arratsaldean, ikastetxeko gimnasioan. Ikastetxeak argitu du ikasle horiek ez direla isolatu behar eta emaitza positiboa bada bakarrik konfinatu beharko direla. 400 bat ikasle pasako dira probak egitera eta horretarako txandak antolatu dituzte; gelaka egingo dituzte eta lehenak 16:30ean egingo dituzte eta 18:50ean azkenak, nahiz eta aldaketak egon litezkeen.
Kasu positiboen gorakada dela eta, prebentzio moduan erabaki du Osakidetzak, baheketa egitea.