Enrike Etxebarria etorri zait ametsetan
zeruari begira geratu gara nola artzainak Gorbeian
edo Tibeten, edo Idahon, edo Aralarren,
edo Gorbeian
eta esan dit ehun eta laurogei ardi eskas dauzkala
edo behar bada ez direla berrehunera iristen.
Lehen bai, lehen bostehun eta gehiago ei zeuzkan
eta gainera batzuk orain utzita dauzkala
beste pastore batzuk jagoten dizkie
aharito eta guzti utzita han eta hemen
konfiantzako jendeari
eta finean ez dit esan
zenbat ardi diren guztira
zeren ezagunek ere berari utzita
badauzka ardi batzuk berak, ez asko,
baina gutxi ere ez, aharito eta guzti
Enrike Etxebarriak.
Bere begi zuriekin
etorri zait ametsetan.
Eta ezagutzen duen mundua erakutsi dit,
ametsetakoa:
txabola bat sarobe batean
ardiak lanbro zurian,
berak oso ongi daki zenbat
berak ezagutzen ditu, banan-banan, denak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!