Haizetea 2020/10/21

Elosegi parkea itxita, segurtasunagatik

Tolosaldeko Ataria 2020ko urr. 22a, 18:28

Herriko zenbait guneetan bezala, astearteko haize boladak ezbeharrak sortu ditu bertan. Behin sortutako kalteak konpontzen direnean, segurtasun berme guztiekin zabaltzeko aukera dagoenean irekiko da berriro.

Astearte gaueko haizeteek ezbehar ugari sortu zituzten Tolosako zenbait guneetan. Zuloaga auzoan, Izaskun auzoan, Zumalakarregi kalean, Belate-Anoetako bidean, Sakramentinoetan eta bereziki landa auzoetan: Urkizun, Aldaban eta Bedaion.

Kalte materialak eragin zituen haizeak eta hainbat zuhaitz eta bestelako objektu ugari botata agertu ziren atzo goizean; zenbait zuhaitzek, gainera, errepideak moztu zituzten.

Gauzak horrela, goiz goizetik hasi ziren udal langileak Babes Zibileko boluntarioen laguntzarekin lanean, haizeak eragindako kalteei konponbidea ematen eta oztopatuta zeuden errepideak irekitzen, larritasun handiena zuten egoerei lehentasuna emanda. Gaur ere lanean dihardute.

Elosegi parkea, momentuz, segurtasunagatik itxi egin da, haize boladek bertan ere ezbeharrak sortu dituztelako. Behin sortutako kalteak konpontzen direnean, segurtasun berme guztiekin zabaltzeko aukera dagoenean irekiko da berriro.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!