Ttontor San Estebango Auzokide Kultur Elkarteak antolatzen du Tolosako Herri Krosa, eta aurtengoa ez egitea adostu dute. "Egungo egoera ikusita eta datozen asteetan COVID-19aren egoera zein izango den ez dakigunez, datorren urriaren 12an ospatu beharreko krosa ez egitea adostu dugu, betiere parte hartzaileen osasuna babesteko asmoz", zehaztu dute.
Hainbat astetan, "balizko irtenbideren baten bila gogor lan egin" dutela azaldu dute antolatzaileek, "parte hartzeko asmoa zuten korrikalariak asebetetzeko. Halere, ezin izan dugu eta korrikalari guztiei, ulertuko dutelakoan, eskerrak eman besterik ez daukagu". Hori horrela, XXXIII. Tolosako Herri Kroseko data berria 2021eko urriaren 12a izango dela zehaztu dute.
Urriaren 12an ospatzekoa zen, baina antolatzaileek bertan behera uztea erabaki dute, "betiere parte hartzaileen osasuna babesteko asmoz".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!