Larunbatean banatu zituzten International Chocolate Awards lehiaketako sariak, eta bi brontzezko domina eskuratu ditu Rafa Gorrotxategi tolosar gozogile eta txokolategileak. Txokolate Bean to Bar Europa/Afrika sailean banatutako sariak izan dira bereak.
Bata Venezuelako Sur Del Lago kakaoarekin eta Zapiaingo Bizi-Goxo izotzezko sagardoarekin egindako txokolatearekin lortu du, eta bestea, berriz, Akesson familiako Madagascar jatorriko %70eko kakaoarekin eginiko txokolatearekin.
Hainbeste lehiakideren artean bi sari lortu izana, "poztasun handiarekin" hartu du Rafa Gorrotxategik.