Iñigo Irurtzun entrenatzaileak azaldu duenez, "pixka bat ezustekoan hartu dugu liga asteburu honetan hasiko denaren albistea. Uste genuen, martxan jartzekotan beranduago izango zela". Aurtengo denboraldirako helburua "ahal dena egitea" dela gaineratu du. "Behintzat aitzaki bat da kaletik eta etxetik ateratzeko, pandemiaz-eta ahazteko".
Taldea hiru jokalarik utzi dute: Marta Mendinueta, Maddi Lakunza eta Olaia Franco. Eta lehen taldera igo direnak bi izan dira: Jasone Zabala eta Irune Gurrutxaga. Denboraldi-aurrean berriro ere baloiarekin kontaktua izatea landu dute, sei hilabete jokatu gabe egon ondoren. Ez dute partidarik jokatu denboraldi-aurrean eta biharkoa izango da lehen partida, bai ligakoa eta baita orokorrean denboraldikoa.