Orain udazkena iritsiko da eta aukera bikaina da inguru hauek ezagutzeko.
Errioxa, penintsulako komunitate txikiena da, baina badago bai kultura, kirola, natura, gastronomia, eta baita jan eta edana ere. Herri txiki askok xarma handia badute gainera.
Gonbidatzen zaituztet globo bat hartu eta Errioxako mahastiak eta haranak zerutik ikustera; panoramika desberdin batekin geldituko zarete.
Zerutik ikusi eta gero, bizikleta bat hartuz gero, Briones herria ezagutzea gomendatzen dizuet.
Inguruko kilometroak bizikletaz burutu daitezke, eta kirola egin ondoren upeltegi batean bazkaldu!
Natura eta kanpoko ekintzak maite dituztenek ere ezinbesteko hitzordua dute Errioxan. Beste aukera bat Sierra de Cebollera Parke Naturala bisitatzea izan daiteke. Ibilbide ugari dago eta bertako fauna eta flora Cebollerako gailurretik disfrutatu daiteke.
Eta zergatik ez piraguismo pixka bat, Errioxan? Gonzalez Lacasako urtegian, ur kirolak egin ditzakezu. Piraguismoko ibilaldiak egon badaude urtegia inguratuz, honela pinudiz betetako natura ezagutzeko aukera izango duzu.
Ikus daiteke beraz, Errioxak aukera desberdin ugari eskaintzen dizkigula. Amaitzeko, bertako produktuekin eginiko barazki menestra bat jan dezakezue, eta baita saiheskiak ximendutan erreak, bertako ardo bikain batekin. Orain bai amaiera bikaina: Bapo-bapo etxera!
Gure proposamena Errioxa ezagutzea eta dastatzea da, bai lurretik, eta baita airetik ere, zerutik!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!