Bi ikuskizunak aisiarekin lotzen ditugula egia da, baina ezin dira maila berdinean jarri hilabetean kontzertu bakarra emango duen musikaria eta astean bizpahiru partidu jokatuko dituen gizonezko saskibaloi jokalaria. Ez soldatan duten aldeagatik, ez prestaketa lanetan dituzten baliabideengatik ez eta massmedian duten presentziagatik.
Sortzaileek bizi duten egoera zailari aurre egiteko prebentzio neurriak izango dira eraginkorrenak. Kataluniako gobernuak esaterako, kultura «oinarrizko ondasun» izendatu du, pertsonen garapen osoan jokatzen duen garrantzia azpimarratuz. Generalitatearen ustez, kulturak jendartean betetzen duen paperak beste sektore batzuk dituzten laguntzak haina merezi ditu. Honela, bigarren konfinamendu bat izango balitz, musikari, liburu denda, margolari eta abarrek lehen itxialdian jaso ez zuten babesa bermatuta izango lukete.
Kataluniako gobernuak esaterako, kultura «oinarrizko ondasun» izendatu du, pertsonen garapen osoan jokatzen duen garrantzia azpimarratuz
Gurera begiratu eta, sorpresa! Gogoratzen Jaurlaritzak, COVID-19a dela eta zozketa bidez (bai, zozketa bidez…) banatu behar zituen 2,5 milioi euro horietaz? Badakizue zenbat erabili den orain arte? Irakurri dudanaren arabera, partida osoaren %9. Ulergaitza. Lerro hauetatik animoak bidali kulturgintzan aritzen diren guztiei, zuen aldeko saskiratzeak ospatzeko prest gaude!