Ander Gorostidi tolosarra AD Alcorcon taldean arituko da datorren hiru denboraldietan. Gorostidi, azken denboraldi honetan, Realeko bigarren taldeko kapitaina izan da eta sei gol sartu ditu.
Datozen hiru denboraldietan Bigarren Mailako AD Alcorcon taldearekin jokatuko du Ander Gorostidi tolosarrak. Hamabi urte zituela iritsi zen Gorostidi Zubietara eta, ordutik, Realeko jokalari izan da, orain arte. Azken lau denboraldietan Ligako Bigarren B Mailan aritu da Sanse taldearekin eta, guztira, 98 norgehiagoka jokatu ditu.
AD Alcorconek erosi egin du jokalaria, baina, etorkizunean, Gorostidi berreskuratzeko eskubidea gorde du Realak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!