Tolosako kaleak garbitzeko zerbitzu-kontratuaren lehiaketari hasiera ematea onartu dute uztaileko Osoko Bilkuran. Aurreko kontratua amaitzear zenez, udalak plegu berriak prestatzeari ekin dio.
Covi19aren eraginez, administrazio epeak etenda egon dira denbora batez eta horrek zerbitzua kontratatzeko esleipena abiaraztea atzeratu egin du.
Esleipena ohiko prozedura jarraituta gauzatuko da: lehiaketa ireki bitartez egingo da eta 4 urteko iraupena izango du. Hainbat aldaketa ere txertatu dituzte, besteak beste, aurrekontua handitzea, makinak berritzeko helburuarekin. Aurrez aipatu bezala, zerbitzua 7.033.636,36 eurotan esleituko da.
Aurrekontua prestatzeko kanpo enpresa batek azterketa ekonomikoa egin du, eta udalak azaldu duenez, langileriaren lan egonkortasuna "bermatzeko eta ziurtatzeko" gizarte klausulak ere txertatu dira pleguetan. Langile mugagabeen kopurua gutxienez %60koa izatea eskatu dute.