Tolosako Oargi Mendi Elkarteak Pirinioetara joateko irteera antolatu du. Abuztuaren 8an aterako lirateke Tolosatik, eta itzulera eguna abuztuaren 16an, igandean, izango litzateke.
Lehenengo egunetan Pica d’ Estats (3.143 metro) ingurura joango direla aurreratu dute, eta ondoren Pic Long (3.192 metro) inguruan ibiliko liratekeela. Informazio gehiago eskuratzeko oargimendi@gmail.com helbidera idatziz jarri daiteke harremanetan. Bulegoko ordutegia, berriz, astelehenetan eta ostegunetan, 19:00etatik 20:30era da.
Bestalde, aurreratu dute abuztuak 7tik 24ra bitarte bulegoa itxita egongo dela.