Auto bat espaloira igo eta bi pertsona zauritu dira Tolosan

Tolosaldeko Ataria 2020ko uzt. 9a, 13:49

Nafarroa etorbidean izan da ezbeharra. Auto batek aparkatuta zegoen beste baten kontra jo du eta arrastaka, biak espaloira igo dira, bertan zegoen adineko gizonezko bat harrapatuz. Gizon hori larri eraman dute Asuncion klinikara. Ertzaintzaren esanetan, gidariak konortea galdu du.

Tolosako Nafarroa etorbidean istripua izan da. Auto batek aparkatuta zegoen beste baten kontra jo du, gidariak konortea galdu ondoren, eta arrastaka, biak espaloira igo dira denda baten kontra joz. Espaloian zegoen 90 urte inguruko gizonezko bat harrapatu dute eta larri eraman dute ospitalera. Gidaria anbulantzian bertan artatu behar izan dute. Momentu honetan Nafarroa etorbidea itxita dago, eta auto pilaketak daude.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!