Irailean jokatuko den banakako Pentatloi Txapelketaz gain, aurten binakakoa ere jokatuko da, eta hori, uztailaren 31n, Tolosan izango da. 12:00etatik aurrera 7 bikoteren arteko lehia ikusiko da zezen plazan.
Eskualdeko bi herri kirolarik hartuko dute parte Binakako Pentatloi Txapelketan, Tolosan. Arria V.ak eta Iñaki Errazkin tolosarrak. Azken honek Mugertzarekin osatuko du bikotea eta Ibarran bizi den errezildarrak Izetarekin. Beste bost bikoteak ondorengoak izango dira:
- Txapartegi-Otaegi
- Aizperro-Peñagarikano.
- Drame-Amade
- Kañamares-Urrutia.
- Zaldua-Zelai.
Egin beharreko lanak ondorengoak izango dira:
- 40 jasoaldi 100 kiloko bolari (%60-%40).
- 4 plaza 400 kiloko harriari (%50).
- 4 kanaerdiko (15 kolpe gutxienez alde bakoitzean).
- 8 plaza 50 kiloko txingekin (%50).
- 4 kilometro korrika (%60-%40).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!