Komertzio txikietan erosten duzu? Zergatik?
Bai, izugarri gustatzen zait. Gertukoak iruditzen zaizkit, aholku onak ematen dituzte, konfiantza ematen didate eta ez dute presarik izaten.
Zer daukate komertzio txikiek, handiagoek ez dutena?
Aholku on bat nahi baduzu, denda txikietan aurkituko duzu lasai ederrean. Hori ez dute handiagoek eskaintzen. Eta esaterako, arropa dendetan, esklusibotasuna azpimarratuko nuke, kate handietako dendekin alderatuta horixe baitute.
Eta esaterako janaria komertzio handiagoetan erosten duzu?
Egia esan nahiago dut beti-betiko harategi eta arrandegietara joan. Gertutasun hori nabaritzen dut eta erosoago sentitzen naiz.
Koronabirusak jendea gehiago kontzientziatu du komertzio txikietan erosteko?
Nigan behintzat eragina izan du. Nik uste dut lagundu egin behar ditugula komertzio txikiak.