Komertzio txikietan erosi ohi duzu? Zergatik?
Normalean hala erosten dut, bai. Ni ere mostradore atzean urte luzez lan egindakoa naiz eta zerbait erosterakoan galdetzea edo hitz egitea gustatzen zait, ez joan eta apaletik hartzea. Hori ez zait gehiegi gustatzen.
Zer dauka komertzio txiki batek handiago batek ez duena?
Galdetzeko aukera izatea: zein da hobea, hau edo hura? Aholkatu egiten zaitu. Agian, aukera gehiago izan dezakegu komertzio handiagoetan, baina ni gehiago fidatzen naiz komertzio txikiez handiez baino. Supermerkatura ere joan naiteke, baina behintzat herrian bertan egon dadila hura ere.
Koronabirusak jendea gehiago kontzientziatu du komertzio txikietan erosteko?
Ez zegoen herritik irteterik, beraz nahitaezkoa zen herrian kontsumitzea. Hala ere, uste dut pixkanaka lehengora bueltatuko garela.