Komertzio txikietan erosten duzu? Zergatik?
Bai. Egia esan, saltoki gune handiak ez zaizkit batere gustatzen.
Zer dauka komertzio txiki batek handiago batek ez duena?
Agian bizitza osoko ohitura izan daiteke. Ni denda txikietan erostera ohituta nago, izan janaria, izan arropa. Kalitatezko gauzak aurki daitezke denda horietan.
Bada komertzio handiagoetan erosten duzun zerbait?
Normalean, egin behar ditudan erosketa guztiak Tolosan bertan egiten ditut. Janztekoak denda batean, jatekoak bestean... Ez dut esango inoiz ez naizenik supermerkatu handiago batera joan, baina behar dudana herrian bertan erosi zalea naiz.
Koronabirusak jendea gehiago kontzientziatu du komertzio txikietan erosteko?
Ez dut uste. Saltoki gune handiak behar bezala irekitzen dituztenean, iruditzen zait jendea bueltatu egingo dela horietan erostera.